Ուրբաթ, 27 յունիս 2014-ին, Յիսուսի Ամենասուրբ սրտին տօնին օրը, ֆրանչիսկոս Քահանայապետը
այցելութիւն կը կատարէ կաթողիկէ համալսարանի ''Ճեմելլի'' հիւանդանոցի բժշկական մասնաճիւղին,
անոր հիմնադրութեան 50-րդ տարեդարձին առթիւ։ Յայտնենք թէ Ֆրանչիկոս Պապը կը հանդիսանայ
5-րդ Քահանայապետը որ այցելութիւն կը կատարէ բազմաբուժարանին որուն պաշտպանութիւնը յանձնուած
է Յիսուսի Ամենասուրբ սրտին։ Ֆրանչիսկոս Պապը` ''Ճեմելլի''
բազմաբուժարան կը ժամանէ 15.30-ին, ուր հիւանդներուն հետ հանդիպելէ ետք, բազմաբուժարանի`
Յոսուսի Սուրբ Սիրտ եկեղեցւոյ մէջ հանդիպում կ՛ունենայ համալասարանի հասարակութեան հետ,
որուն ընթացքին ''ճեմելլի'' հիւանդանոցին կը նուիրէ Սուրբ Յովհաննէս ԻԳ եւ Սուրբ Յովհաննէս
Պօղոս Բ-ի մասունքները։ Ան ապա բժշկական մասնաճիւղի մէկ հրապարակի տարածքին վրայ կը
մատուցէ սուրբ պատարագի արարողութիւնը որուն աւարտին տեղի կ՛ունենան ողջոյնի պաշտօնական
ճառերը։